أصارع غابة الأحزان

اصارع غابة الاحزان
‏انا اللي عشت بالدنيا اصارع غابة الاحزان
حزن وهموم دنيايه عذابي يبتـسـم فيـهـــا

تعبت بدنيتي هايم .. وصرت بدنيتي حـــــيران

تعبت وهذي الدنيا تعبت دايم الا قيــيهــا

وانا في داخلي نغمه وجدها داخلي فـــنـان

وجدها نغمة حيه وتبغى من يغنيـــهـــــا

وانا في خاطري فكره مع إني شاعر فهمـــان

عجــزة اترجم الفكره لشي كان يعنيهــــا

وانا في ناظري نظره تدور خــانة الخــــلان

تدور خــانة صدت وخلت من يناديــــهـــا

انا في واقعي صرخـة ويشبها صهيــل حصــان

ينادي مهرة راحت تظنه ما يدانيـــــهــا

وانا برحل مع الواقع لو إنه يتعب الانسان

ابدخل واقع الرحلــه ولا ادري وش تواليها

وبسلك سكة فيها لهيب يشبه البركــــــــان

لعله يحــرق الدنيا او انه بس يشويهــــا

زماني صار يكرهني لقيت انه زمن خـــــوان

يضحكني يسليني واثـــر عينــي يبكيـــهــا

وانا مالي بها الدنيا سوى ما يملـك الوجدان

سوى شعري ومن حرفه جروحي فيه اداويهـــا